The Ritual for Mastery Over Manaḥśilā (Vidyādhara /Видйадхара садхана)
(Āryamañjuśrīmūlakalpam)अथ मनःशिलां साधयितुकामः वीरक्रयेन क्रीत्वा पुष्पयोगत्रिरात्रोषितः सङ्घोद्दिष्टकां भिक्षां भोजयित्वा आज्ञा दापयितव्या | अनुज्ञातस्तत्र साधनं प्रविशेत् | उदारां पूजां कृत्वा घृतप्रदीपसहस्रं प्रज्वालयितव्यम् | त्रिरात्रोषितः सर्वसत्त्वानां मैत्रचित्तमुत्पाद्य आत्मानं निर्यात्य मनःशिलां गृहीत्वा तावज्जपेद् यावत् त्रिविधा सिद्धिः | ऊष्मधूमज्वलितपूर्वमेव चिन्तयितव्यम् | अमुक्तसिद्धिरूष्मायमानतिलकं कृत्वा सर्वदेवनागयक्षभूतपिशाचादीं जम्बूद्वीपनिवासिनश्च सत्त्वा दासभूता भवन्ति | किङ्करा भवन्ति | वर्षसहस्रं जीवति | धूमायमाने तिलकं कृत्वा अन्तरद्धीयते | यदिच्छेद् देवानामप्यदृश्यो भवति | क्षणलवमुहूर्तेन दृश्यते | पुनरन्तरद्धीयते | सर्वान्तरद्धानिकानां राजा भवति | त्रीणि वर्षसहस्राणि जीवति ज्वलितेन विद्याधरो भवति | सपरिवार उत्पतति | विद्याधरराजा भवति | देवकुमारवपुः अधर्षणीयः सर्वदेवानां कः पुनर्विद्याधराणां कल्पस्थायी भवति | कालगतस्तुषिते देवनिकाये उपपद्यते || atha manaḥśilāṁ sādhayitukāmaḥ vīrakrayena krītvā puṣpayogatrirātroṣitaḥ saṅghoddiṣṭakāṁ bhikṣāṁ bhojayitvā ājñā d...
